COVIDTA ÑUKANCHIKPA KUTICHIY

BDE rurakwasika Ecuador Tukuyllapa Kullkiwasi pushak rurakwasimi kan, shinallatak llaktakunapika Mamallakta Pushaykamaymanta tukuyllapa kullkimañachiyta rurak wasimi kan, COVID 19 llakichiy kallarikpika rantikkunaman unkuyta allichik yuyaykunata karashpa kusi kusimi hatarirka.

Kallariypika, uchilla shinallatak paktalla Shiwayashka Kikinyarik Pushaykamaykunaka unkuymanta ima rikurishka mutsuriykunatapash allichichunka, BDE rurakwasika paykunapak manukunata asha ashamanta pagachun nirka. Ashtawanpash, ayriwa killapika, BDE rurakwasika “COVID-19 Llakita Kamay Rurayuyay” nishkatami riksichishka, kaywanmi Shiwayashka Kikinyarik Pushaykamaykunaman Tukuyllapa Llankakwasikunamanpash 250.000 USD kullkikaman mañachishpa; shinallatakmi, Marka Pushaykamaykunaman sapan sapan 250.000 mana tikrachina kullkita karashpa, COVID-19 unkuyta kamachun, harkachun, pishiyachichun nishpa.

2020 wata aymuray 04 punchamantapachaka, mamallaktaka hatun unkuyta allichinkapak nishpaka shuk mushuk pachamanmi yaykushka, kullkiruraykunata asha ashamanta kawsarichishpa. BDE rurakwasika kay ishkayniki pachapipash tukuyllapa llankaykunaman kullkita mañachikunrakmi. Kullkiwasipa shikra ukupi tiyak ña kullkimañachishka llankay ruraykunataka ña kutin kallarichun nishpaka, nishun, ñankuna, chuyay yaku, yaku chuyayachiy, hatun llakta mutsuriypash, shukkunapash, Pushak Kamaywasikunawan tukuyllapura rimanakunmi.

Yaparishpaka, BDE rurakwasika unkuy yallishka kipamanta kullkikamayta kawsarichik yuyaykunata pakarichikunmi, kaytaka llaktakunapi ashtawan pukuyta, wasichiy llankayta kawsarichiyta, mushuk llankaykunata pakarichiyta, uchilla llaktakunamanta llankayta tawkayachiytapash purichik rurayuyaykunawan.

Shukpika, Wakra Tarpuy Kamaywasiwanka wakrakamayuk tarpukkunapa llakita yanapaypak shinallatak kullkirurayta pukuyta kawsarichiypakpash tikrachina mana tikrachina kullkita mañachinamantami rimanakunchik, kay kullkimañachiykunawanmi llaktakunapi ashtawan pukuy tiyachun nishpa, tarpuna antakuna, parkuy, yaku pukyukuna, yuratarpuy shinallatak kullka wasichiyna llakikunata allichichun nishpapash.

Shuktakpika, wasichinapi llankakkunawanka, BDE rurakwasika “Mejora tu Barrio” nishkata pakarichishka, kaymi mamallaktamanta tawka hatun llaktakunapi ayllullaktakunata sumakyachinkapak kan, kullkikamayta llakta llankaytapash tawkayachishpa purichishpantin, shinallatak sumak kawsayman chayankapak hatun llaktakunata rurayñanta purichishpapash, ashtawan pukuk, mashiyarik, sinchiyarik llaktachishpa.