Imashinatak sumak kawsayta yanapanchik

Ecuador Wiñariy Kullkiwasika B.P (BDE) Mamallaktapa Hatunpushak Lenin Moreno Garcespa Pushayñan paktaykunata paktachinkapak tukuylla llaktakunapi achkatami yanapan, chay paktaykunaka Mamallaktapa Wiñariy Rurayñan “Toda una Vida 2017-2021” nishka pankakunapimi kan. Kay yanapaykunata paktachinkapakka yuyaykunapak, rurayuyaykunapak, ruraykunapakpash, ashtawankarinpash pukuchikruray llikakunapak, yakupak, achikpak, sirmapak, wasipak, yachakuypak, rurakwasi sinchiyachinapak, shukkunapakpash kullkimañachinchik. Kashnami Kullkiwasi shina chay Rurayñan nishkamanta kimsa shunkuyuyayta yanapanchik:

  1. Tukuyllapak hayñikuna tukuylla kawsayta;
  2. Wakita yanapak kullkikamay; shinallatak,
  3. Ashtawan Waki, ashtawan alli Mamallaktachiy.

 

BDE rurakwasika Wiñariy Kullkiwasi nishka ukupimi kan. Kayka nisha ninmi, kay kullkimañachik rurakwasikunaka rantikkunata yanapankapak rurashka kan, maykankunami mana shuktak kullkiwasikunapi yanapayta tarikkunapak rurashka kan. Kay llankaywanmi mamallakta ashtawan wakchayashka llaktakunapi sumak kawsayta purichiywan rurakwasipa sinchi kullkikamaywan kullkimañachiywanpash tinkichinchik. Kay paktaymi ñukanchikpakka ancha mutsurishka, shinallatak ñukanchikpa ruraykunatapash pushan.

Kaypakka, Kullkiwasika paypak paktaykunataka tawka rantikkunaman kullkimañachiykunawanmi paktachin, kaywanmi tukuylla mamallaktapi sumak kawsayta yanapashpa. Kashnami, BDE rurakwasika rurayuyaykuna ña ruranakukpi kullkimañachiykunawan, shinallatak llaktakunapa kullkikamaykunaman mushuk kullkikunawanpash yanapan.

Chaltura ñanmanta yanapashka – Santiago del Rey, Imbabura markapi.

Cuenca hatunllaktamanta chuya yaku llikata alliyachiy hatunyachiypash, Azuay markapi.

Wiñariy Kullkiwasi shina BDE wasika paypa rantikkunamanka tikrachina kullkita, mana tikrachina kullkitapash karan, kay kullkikunawanmi ashtawan yalli wakchayashka llaktakunapi rurayuyaykunata sinchiyachishpa yanapan. Kay llankayka ñukanchikpa rurakwasipa ruranapipash muskuypipashmi tiyakun, alli kawsayta yanapashpa ñukanchikpa rantikkunaman, llaktayukkunamanpash kullkita kuk rurayuyaykunawan.

Kullkiwasipa kullkikunataka tawka rurayuyaykunata purichinkapakmi kachashka kan, nishun, mamallaktapa tawka kitikunapi mapayaku tutukunapak, chuya yakupak, mapakunata tantachinapakpashmi kushka kan, kayshinami llaktayukkunapa alli kawsayta yanapashpa, shinallatak wakcha kawsayta llakikunantintapash anchuchinapi yanapashpa.

Shinallatak, shuktak Kullkiwasipa llankay ñanka apariykanchapash ñankunapashmi kan, kaykunawanmi katuy, purimunakuna, llaktakunapa tinkinakunapash shinallatak shuktak ruraykunapash sinchiyarinkuna. Kikinyarik Shiwayashka Pushaykamaykunaka ñukanchikpa kapak rantikkuna kakpimi Kullkiwasipa kullkikunataka llaktakunapi hatun llaktakunapipash runakuna kawsayta alliman shikanyachinaman kachashka kan.

Mamallaktapa ima tukukukta rikushpaka Kullkiwasipakka shuktak kapak ruraykunami kan: Parkuy, Yakupanpay Mitsay, Yachakuy, Rurakwasi Sinchiyariy, Hatunllakta Wiñariy, Kallpa, Allikay, shukkunapash.

BDE rurakwasika llaktakunapi Formación Bruta de Capital nishkapika yanapakmi kan, llaktakuna pushaykamaykunapa mana katuk charishkakunataka maykankunawanmi ima katunakunatapash pukuchinkuna chaykunatamari Kullkiwasika tukuylla mamallaktakunapi tawka ruraykunaman kullkimañachishpa mirariyachin, kayka mamallakta wiñarimuchunka, llankay tiyachun, llaktayukkuna ashtawan alli kawsachunpash ancha mutsurishkami kan.

Kay yuyaykunawanmi Kullkiwasika kaykunapi paypa ushaykunata tantachin:

  • Mutsurikukpika llaktayukkunapak kawsayta alliyachinapi yanapak kullkimañachiykunata karana, llikakunapak, yakupak, sirmapak, achikpak (tukuyllapa mitachiy), wasipakpash, kashnami waki mutsuriykunata uyak Pushaykamaypak kapak Rurayuyaykunata yanapashpa: “Casa para todos”; “Agua segura y Saneamiento para todos”, shinallatak, “Apoyo financiero para Juntas parroquiales”.

 

  • Mamallaktachiymanta wiñariypak mamallakta rurayñan ukupi tiyak mushuk katuy kuskata yanapankapakka kullkimañachiy rurayuyaykunata kapuykunatapash allichina mirayachinapash, kaykunataka shukllapak tukuyllapak tantarikunawan shukllapak kuskata yapachik rurayuyaykunaman, shinallatak kikinkawsay rurayuyaykunamanpash, wakita pachamamatapash kamak rurayuyaykunamanpash kullkimañachishpa kimishpantin.

 

  • Pachamamata kamak waki kullkikamay wiñariyta tankana, chaypika Kullkiwasi llankaypankaka kimirinllapachami, chaymantami ashtawan sumak kullkimañachiy yuyayman rinaka (Waylla Kullki) mutsurishka kan, mushuk alli ashakullkipak rurayyachaykunata maskashpa.

 

  • Ñukanchikpa rantikkunapa mutsuriykunapak alliyachishka kullkimañachiy yanapaykunata charinami; ashtawan wiñariy mutsurikuk suyukunata yanapankapakmi yuyashpa, shinallatak kullkikuna allikayta mana kunkarishpantin Kullkiwasipak ruraykunaka ima pachakunapipash tiyachun yuyashpa Ecuador wakita alli mitachinkapak.

Marcabelíman ñanta ruray. El Oro Markapi.