Rurakwasipa chaninkuna

icon_bde_transparencia

CHUYAYKAY

Wakika tukuyllapa kamayka ima rurakukta yachanamantaka hayñiyukmi kan, kaywanmi paktami kana kanchik, imashinami Kamachikpi nikun llaktayukkunaman ima mutsurishka willaykunata karashpa. Kullkiwasiman mañashka ima willaykunataka imashinami Chuyaykay Tukuyllapa willaykunaman Yaykuy Hatun Kamachiypi shinallatak Tukuypa Kamachiypipash nikukmanta karashka kankami.

Ima ruranakunapipash chikakta, allishunku ruraytapash rikuriyashpami rikuchina kawsanapash.

Rurakwasipa riksichik willaykunaka chuyaylla, kishkichik, yuyashkapacha, allipacha, chikakpachami kana kan, kayka Ecuador Wiñariy Kullkiwasimanta yanapaykunawan pukushkakunawanpash paktapachami kana kan, shinallatak katuy-ranti alli ruraykunata chuyaylla mishanakuytapash rikuriyashpa, alli yuyaykunawan, wakimanta yuyariyashpa, shinallatak ama pantachik willaykunata charinachu ama Ecuador Wiñariy Kullkiwasipa yanapaymanta ruraykunamantapash ama pantallata yuyachinkapak nishpa.

icon_bde_confidencialidad

Pakallakay Upallakay

Rurakwasimanta tukuyllapacha willaykunata pakalla upallatapash charina, imashina Rurakwasimanta tiyak kamachikunapi nishkamanta.

icon_bde_bien_comun

Ayllupurapa Imakuna

Rurakwasipa mutsuriykunata tukuyllakuna allikaytapash rikuriyashpa imatapash rurana, shukllapa mutsuriykunata mitsatapash sakishpa; kay yuyaypika Ecuador Wiñariy Kullkiwasipi llankak runakunaka, paykunapa ruranakunapika, mana rurakwasipa paktaykunata allikaytapash wakllichik mutsuriykunamantachu llankana kan; chaykuna rantika, llaktayukkunaman uyankapakk shinallatak llankaymanta mashikunawanpash yanapak, allikak, mashiyarik, kusikay yuyaykunawan llankana kan.

icon_bde_responsabilidad

Huchayay

Ima ruranakunapipash, kishpilla ima ñanta hapishkamantaka ima tukushkata yupaychashpa, chaninchishpa, arinishpantinmi chaskina, shinallatak chaykunamanta willachina, mana shukkunaman yallichishpalla kikin pantaykunata arininami kan.

icon_bde_trabajo_equipo

Tantalla Llankay

Ukumantallatak kakpi kanchamanta kakpipash tukuylla llankakkunawanka, mamallaktamanta kakpi, shikan llaktamanta kakpipash Tukuyllapak Rurakwasikunawan, Shukllapa Rurakwasikunawanpash, yupaychashpalla, kushikushpalla, yanapanakushpalla, arininakushpalla, tantanakushpallantin pakta paktallami llankana kan.

icon_bde_compromiso

Llaktata yuyarina, llaktamanta kana

Ima pachapipash rurakwasimanta ima kachashka ruranakunatapash allitapacha kusi kusilla yanapashpami paktachina kan, kayka kawsayta, kullkikamayta, pachamamatapash, kimsantinta rikurayashpalla, sumakyachinkapak nishpa.

icon_bde_equidad

Paktakay

Ecuador Wiñariy Kullkiwasipi B.P. llankak runakunamanka imashina tiyak kamachikkunapi ninmi tukuylla runakuna hayñiyuk ruranayukpash kakmanta, shinallatak kaykunata paktachinamantapash yachachina.

icon_bde_honestidad

Allishunkuyukkay

Ima ruraykunapipash shinallatak shuktak mashikunawan ñukanchikwanllatapash chikakmantapash shunkumantapashmi kawsana; chikakwan, allishunkuwanpash.

icon_bde_integridad

Chikakkay

Ecuador Wiñariy Kullkiwasipi llankak runakunaka paykunapak llankaypi ima ruranakunapash shunkumantalla allitapacha kana kanmi nishpa yuyana kan, runakunapa kawsaypi rurakwasipa kawsaypipash chikakta shunkumanta ruraytapash wiñachishpa. Runakunapa alli kashkamanta alli kawsashkamantapash alli shutiyuk tukushkata shinallatak runakunapa nishkatapash mana mapayachinallachu.

icon_bde_respeto

Sumaychay

Tukuylla runakunapuraka runa hayñikunata runa kaytapash, shinallatak kawsaypurata, tawkakawsayta, pachamamatapash rikuriyashpa alli apanakunata munachina; kashnallatak rantikkunatapash sumaychashpa sumakta chaskina, tukuyllapa kullkikunawan kusi llankashpami yanapana.

icon_bde_efectividad

Allipachakay Kusikaypash

Rurakwasi llankaypa paktaykunata munaykunatapash kusi allipacha paktachishpallami allikuna kakman chayana.

icon_bde_prudencia

Llamkay

Willaykuna pallanata, chaskinata, purichinata, taripanata, kachanata, killkarinata, wakaychinatapash maykan arinishka runakunapaklla paktachina.

icon_bde_liderazgo

Pushakkay

Llankay tantaritaka ima ruranakunatapash paktachishpa, ima ruranakunapak yachaykunawan, tukuyllapura alli apanakushpantin, sumak yuyaykunawan paktaykunaman munaykunaman shunkumanta allita pushana.