Ecuador Wiñariy Kullkiwasika B.P (BDE), Wiñariy Mamallaktapa Kullkiwasipa kullkimañachik rurakwasimi kan, ñawpakta kullkimañaymanta, llikakunamanta, tukuyllapa mitachimanta rurayuyaykunaman kullkimañachiypi kapak pushakmi kan; llaktakunapa kullkikamayta ñawpaman pushak shinallatak runakuna kawsayta alliyachik alli ruraykunami kan. Ñukanchikka Kapuykay Kullkikamay Suyu Tantari rurakwasi ukupimi kanchik.

Ñukanchik rurakwasika 1979 watapi karwa killapi 6 punchapimi wallparishka kan, chaypachamantami Mamallakta Kullkiwasi shutiwan llaktakunata, runakunatapash yanapankapak shukpalla hayñiyuk kamachiy wasi shinami kawsay kallarirka. Watakuna kipaka, 2015 watapi kapak killapi 30 punchapi Hatun Kamachiy No 867 kamachishkata paktachinkapakka Mamallakta Kullkiwasita allichiy kallarishka, chaywanka Ecuador Wiñariy Kullkwasi shutichishka.

Shinami, BDE wasika kikin hayñiwan, kikin kullkiyachikwan, kikin kullkiwanpash tukuyllapa kullkimañachik wasi tukurka. Ñukanchikpa kullkiwasipa ruraykunata, kullkimañachiytapash Codigo Organico Monetario y Financiero kamachiymanta, shinallatak Junta de Política y Regulación Monetaria y Financiera ukumanta llukshishka kamachiykunamanta, shinallatak, chapak rurakwasikunamanta, Junta General de Accionistas, paypa pushakkunamanta; ashtawanpash Estatuto socialpak kamachiykunamanta, tukuyllapa rurakwasikuna kamachiykunamantapash rikuriyashka kanmi.

Ñukanchikpa kawsaypika, BDE wasika tukuylla mamallaktapi ashtawan kullkimañachik wasimi kan, shinashpaka llaktakunata yanapankapak nishpa, chaypakka tukuylla kamachiykunata, chuayaykayta, mushukyaytapashmi paktachinchik. Sumak kawsaymanmi pachamamata mamallaktapa tukuylla llakatakunata runa kawsaytapash sumaychashpa yanapankapak munanchik. Chayrayku, tawka llaktapi wasi ukunata charinchik, shinallatak tukuylla Ecuador mamallaktapi allikayta, yachakuyta, yakuta, achikta, sirmata shukkunatapash, alli ñankunatapash charinkapak yuyaykunaman kullkimañachiywan yanapankapak maunanchik.